საქართველოში პირველი ქართული უნივერსიტეტი, „ივანე ჯავახიშვილის სახელობის თბილისის სახელმწიფო უნივერსიტეტი“ (თსუ) დაარსდა 1918 წლის 8 თებერვალს, დავით აღმაშენებლის ხსენების დღეს, თბილისში, ძველი გიმნაზიის შენობაში. 1920 წელს თბილისის სახელმწიფო უნივერსიტეტის სამკურნალო ფაკულტეტზე დაარსდა პირველი ფსიქონევროლოგიური კლინიკა-კათედრა. კათედრის გამგედ მოწვეულ იქნა რუსეთის დამსახურებული ფსიქონევროლოგი, პროფესორი იაკობ ანფიმოვი. ასისტენტ პროფესორად დაინიშნა სვიმონ ყიფშიძე. ორდინატორებად პეტრე სარაჯიშვილი, პეტრე ქავთარაძე, ნიკონ ფოფხაძე. 1925 წელს, სადოქტორო დისერტაციის დაცვის შემდეგ, თბილისის უნივერსიტეტის სამედიცინო ფაკულტეტის ნერვულ სნეულებათა კათედრის გამგედ არჩეულ იქნა სიმონ ყიფშიძე. ის ნევროლოგიის პირველი სახელმძღვანელოს ავტორია, რომელიც ქართულ ენაზე დაიბეჭდა 3 ტომად. 1936 – 1950 წწ. ე.წ. ყიფშიძის კლინიკას, თბილისის უნივერსიტეტის სამკურნალო ფაკულტეტის დამთავრების შემდეგ მრავალმა ახალგაზრდა ექიმმა მიაშურა, რომლებიც სამართლიანად ითვლებიან ს. ყიფშიძის მოწაფეებად. მათ რიცხვს მიეკუთვნება (შემდგომში მედიცინის მეცნიერებათა დოქტორები, პროფესორება) - ა.რუხაძე, ა.ზოიძე, მ. სააკაშვილი, ს. ენუქიძე და მტავალი სხვა ცნობილი ქართველი ნევროლოგი. ყიფშიძის უშუალო მოწაფებ, მიხეილ სააკაშვილმა, თსსი-ს სამკურნალო ფაკულტეტის დამთავრების შემდეგ მუშაობა დაიწყო ნერვულ სნეულებათა კლინიკაში, ხოლო 1948 წელს, სადოქტორო დისერტაციის დაცვის შემდეგ არჩეულ იქნა თბილისის სახელმწიფო სამედიცინო ინსტიტუტის მედიცინის ისტორიის კათედრის გამგედ. ამავე პერიოდში, ის პარალელურად, საქართველოს სსრ მეცნიერებათა აკადემიის ივ. ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტში ხელმძღვანელობდა მედიცინის ისტორიის განყოფილებას. პროფ. მ სააკაშვილის, 1951-56 წ.წ. იყო თბილისის სახელმწიფო სამედიცინო ინსტიტუტის რექტორი. 1953 წელს (ს. ყიფშიძის გარდაცვალების შემდეგ) თბილისის სახელმწიფო სამედიცინო ინსტიტუტის ნერვულ სნეულებათა კათედრის გამგედ ინიშნება პეტრე ქავთარაძე. პედაგოგიურ მუშაობას ის უთავსებდა საქართველოს კურორტების და სამხარეო პათოლოგიების შესწავლას. აკადემიკოსი პ. ქავთარაძე ხელმძღვანელობდა თსსი ნერვულ სნეულებათა კათედრას 1966 წლამდე. მის სახელთანაა დაკავშირებული ბავშვთა ნევროლოგიური სკოლის ჩამოყალიბება საქართველოში. ყიფშიძისეულ კათედრას 1966 -85 წწ. განაგებდა ქართველ ნევროლოგთა მეორე თაობის წარმომადგენელი, მეცნიერების დამსახურებული მოღვაზე, დიდი კლინიცისტი, პედაგოგი და საზოგადო მოღვაზე, პროფესორი ალექსი მინდაძე. პროფ ა.მინდაძე იყო ბრწყინვალე პუბლიცისტი: ის 15 მონოგრაფიისა და მრავალი სამეცნიერო ნაშრომის ავტორია. 1986-94 წწ/ თბილისის სახელმწიფო სამედიცინო უნივერსიტეტის ნერვულ სნეულებათა კათედრას ხელმძღვანელობდა მეცნიერების დამსახურებული მოღვაწე, საქართველოს სამედიცინო აკადემიის ნამდვილი წევრი ავთანდილ ლაჭყეპიანი. აკადემიკოსმა ა.ლაჭყეპიანმა ყიფშიძისეულ ძირძველ კათედრას ახალი ელვარება შესძინა. ის იყო უდიდესი მეცნიერი (საქართველოშ ბავშვთა ნევროლოგიის მეცნიერული ფუძემდებელი) და ბრწყინვალე კლინიცისტი. 1994-2004 წ.წ. სამკურნალო ფაკულტეტის ნერვულ სნეულებათა კათედრას განაგებდა მედიცინის მეცნიერებათა დოქტორი, პროფესორი ნინო ნინუა - შესანიშნავი პედაგოგი და მეცნიერი (5 მონოგრაფიისა და 160 სამეცნიერო ნაშრომის ავტორი). ის დღესაც ნაყოფიერად მუშაობს მშობლიურ კათედრაზე. ყიფშიძისეული კათედრა 2002 წელს გარდაიქმნა თბილისის სახელმწიფო სამედიცინო უნივერსიტეტის ნერვულ სნეულებათა დეპარტამენტად, რომლის ხელმძღვანელად (2004 წლიდან) დაინიშნა მედ. მეც. დოქტორი, პროფ. ივანე ვერულაშვილი.  2006 წელს გაერთიანდა თბილისის სახელმწიფო სამედიცინო უნივერსიტეტისა და თბილისის ექიმთა დახელოვნების ინსტიტუტის (სამედიცინო აკადემია) თეორიული და კლინიკური ბაზებე. ჩატარებული კონსურსის თანახმად თსსუ ახალი, გაერთიანებული ნერვულ სნეულებათა მიმართულების ხელმძღვანელად არჩეულ იქნა სრული პროფესორი ივანე ვერულაშვილი, რომელიც დღემდე იკავებს აღნიშნულ თანამდებობას. გამოყენებული ლიტერატურა 1. ნევროლოგია - ტოპიკური დიაგნოსტიკის საფუძვლები ი.ვერულაშვილი 2009 წელი თბილისი